Kryetari i Partisë Demokratike të Kosovës (PDK), Bedri Hamza, u ka bërë thirrje qytetarëve që t’i bashkohen protestës së paralajmëruar për 1 tetor në Prishtinë, kundër aktgjykimit dënues të Gjykatës Speciale në Hagë ndaj ish-krerëve të UÇK-së.
Hamza e ka bërë thirrjen përmes një videoje të publikuar në rrjetet sociale, ku ka ftuar qytetarët të marrin pjesë në tubimin që do të mbahet në sheshin “Skënderbeu”.
“1 TETOR | 16:00 | SHESHI ‘SKËNDERBEU’, PRISHTINË. Bashkohu edhe ti! Le të bashkohemi kundër padrejtësisë!”, ka shkruar Hamza krahas videos.
Protesta është paralajmëruar nga organizatorët si një tubim masiv në kundërshtim me aktgjykimin ndaj ish-krerëve të UÇK-së./teve1.info/
