Hamiti ka thënë se hedhja e gazit lotsjellës nga opozita në Kuvend gjatë viteve 2015-2018 ka qenë një pasqyrë e keqe në Kosovë, por sipas tij, ka lënë edhe pasoja për liberalizim të vizave.
“Tash është më vështirë sepse ka humbur ai rast, atëherë Ukraina dhe Gjeorgjia i kanë marrë vizat, tash ne jemi këtu ku jemi. Mënyra e veprimit politik është me pasoja sikur je sidomos në Qeveri dhe kur je në opozitë. Demokracia, shëndeti i saj dëshmohet edhe me sjellje të aktorëve politik të papërgjegjshëm. Dhuna në Kuvend ka qenë një pasqyrë e keqe në Kosovë por edhe ka lënë pasoja për ne, për viza po se po”, tha ai në emisionin “Këndi i Debatit” në Tëvë1.
Sipas tij, LVV-ja nuk e ka të lehtë t’i bind vendet si Franca për liberalizim të vizave.
“As nuk po them që ka me LVV-në (liberalizim të vizave), por e shoh jo të lehtë të binden vendet që janë për arsye të tyre, si Franca në radhë të parë. Në vitin e fundit sidomos kur erdhi në pushtet LVV-ja filloi t’i bind të tjerët që vet fakti se ka ardhur kjo qeveri tashti çdo gjë është më mirë”, tha Hamiti. /teve1.info/
