Sipas Halitit, ata përveç uniformave të Policisë së Kosovës kanë pasur edhe uniforma të Policisë së Serbisë.
“Nuk kanë qenë targat shkaku… sipas të dhënave që unë i kam, Policia që kanë qenë atje, uniformat që i kanë pasur të Kosovës, që kanë qenë polici e Kosovës, të gjithë kanë pasur nga një rrogë nga Serbia të cilët i kanë paguar, të gjithë i kanë pasur edhe uniformat e policisë serbe në shtëpi dhe të gjithë kanë pasur edhe armatimin e Serbisë në shtëpi”, tha ai.
I ftuar në emisionin “Këndi i Debatit”, Haliti tha se serbët që kanë qenë pjesë e Policisë së Kosovës kanë qenë të kushtëzuar, që nëse e lëshojnë Kosovën atyre do të i’u ndërpriten pagat.
“Ata kanë pasur një porosi dhe kanë qenë të kushtëzuar që të mos e lëshojnë Kosovën, në qoftë se e lëshojnë Kosovën ata do të ju ndërpresin pagat që i kanë pasur në Serbi dhe nuk do të ju jepnin të hollat që u kanë shkuar në kontot e tyre”, theksoi Haliti.
Më tej Haliti tha se Qeveria ka pasur mundësi që të mos merren me targat por të arrijnë në një pikë ku marrëveshja të bëhet për statusin dhe për çështje të tjera e jo për targat./Teve1.info/