Sipas Halitit, Ligji për Pagën Minimale nuk është aspak kundër veteranëve të luftës së Ushtrisë Çlirimtare të Kosovës.
“Ka qenë një skenar i përgatitur jashtëzakonisht dobët, për shkak se Lista Serbe ka qenë prezente në punimet e seancës së sotme. Unë dyshoj që kryesisht ka qenë Partia Demokratike e Kosovës ajo që ndërtuar këtë skenar që të dalë që ne si koalicion, pra Lëvizja Vetëvendosje së bashku me Listën Serbe po votojmë një projektligj siç është duke thënë opozita që është kundër veteranëve të luftës. Sepse realisht Ligji për Pagën Minimale nuk ka të bëjë fare me veteranët e Luftës së Ushtrisë Çlirimtare të Kosovës”, ka thënë ai në emisionin “Këndi i Debatit” në Tëvë1.
Kujtojmë se sot Kuvendi i Kosovës ka miratuar në parim me 68 vota Projektligjin për rritjen e pagës minimale.
