Haliti ka folur për të drejtat e viktimave të dhunës seksuale gjatë luftës.
Haliti ka thënë që Kuvendi i Kosovës në vitin 2014 pasi që ka bërë plotësimin dhe amandamentimi e ligjit të vitit 2011 viktimat e dhunës seksuale i njeh si kategori ligjore ku edhe parashihet procesi për njohje dhe verifikimin e statusit të tyre.
Ajo ka theksuar se ka pasur raste që viktimat e dhunës seksuale kanë pritur një vit për njohjen e statusit.
“Kemi raste që kanë pritur më shumë se një vit deri në një vit e gjysmë për njohjen e statusit, dhe sigurisht që një viktimë që ka marrë guximin është dashtë të mbështetet në aspektin psikologjik për të i’u drejtuar komisionit për të i’u njohur e drejta e tyre tani të pret një vit për njohjen e statusit sigurisht që është shumë e vështirë”, ka thënë ajo.
Haliti ka treguar se si i ndihmojnë viktimat e dhunës seksuale në rast se i’u refuzohet statusi.
“Në raste kur i’u refuzohet statusi ne i ndihmojmë rasteve të bëjnë ankesë, përkatësisht njëherë e përgadisimin ankesën dhe bëjmë kërkesë për rishqyrtim sepse ashtu e ka paraparë rregullorja që është në fuqi”, ka deklaruar Haliti në Tëvë.
Ajo në “Këshilla Juridike” ka folur edhe për ngjarjet e viktimave të dhunës seksuale, duke thënë se ka shumë raste që familjarët e viktimave nuk janë në dijeni për ngjarjet që kanë përjetuar, e në disa raste as bashkëshortët e tyre.
“Ne kemi shumë raste që as familjarët e tyre nuk e dinë për ngjarjet që kanë përjetuar as bashkëshorti i tyre, në disa raste ka që nuk e din historinë e bashkëshores së saj që ka përjetuar dhunë seksuale”, ka thënë Haliti
Ajo shtoi më tej se ka edhe raste të atilla tek burrat, ku disa gra nuk janë në dijeni që bashkëshorti i tyre ka përjetuar dhunë seksuale.
Haliti ka theksuar se të gjithë ata që kanë nevojë për ndihmë, mund të drejtohen në zyrat e tyre në Prishtinë, ose të kontaktojnë përmes telefonit, 038-243-707.
