“Ne duhet që të synojmë edhe në qoftë se duhet të paguajmë shumë të gjejmë djem dhe vajza të cilët janë të gatshëm, që të kryejnë akademitë ushtarake në Angli, në Gjermani, Amerikë kryesisht por pse jo në Francë dhe në Itali sepse këto janë shtete e NATO-s mbi bazën e të cilave është ndërtuar NATO dhe ajo që do të thosha është e domosdoshme është që po dole në rrugë në Kosovë, një qytetar i huaj të krijon një përshtypje që vërtetë ne jemi ndonjë vend i lindjes apo ndonjë vend kështu nga paraqitja. Pra, duhet në të gjitha aspektet të dëshmojmë vetën që ne jemi jo vetëm me deklarata po që jemi ata që zbatojmë politikat e NATO-s dhe politikat e NATO-s janë publike, nuk janë të fshehta , në qoftë se është kështu atëherë nuk është e vështirë që ne të marrim vendim në përputhje me to”, ka thënë Haliti.
I ftuar në emisionin “ResPublika” me Zijadin Gashi në Tëvë1, deputeti i PDK-së, Xhavit Haliti më tej ka thënë që kuadri ushtarak i Kosovës duhet të jetë i shkolluar në Akademi Ushtarake të NATO-s.
“Kuadri ushtarak i Kosovës duhet të jetë i shkolluar në Akademi Ushtarake të NATO-s. Ne kemi disa që kanë kryer disa kualifikime të mira po ne duhet të kemi sistem gradimi profesional. Ne kemi sistem gradimi deri më tash kemi pasur më shumë sipas meritave në luftë” ka thënë Haliti në Tëvë1.
