“Unë mendoj që Dick Marti, nëse në Gjykatën Speciale ose në ato Dhomat e Specializuara të Kosovës mund të ketë bërë një dëshmi e cila mund ta favorizoj Kosovën. Mund t’i favorizoj edhe të akuzuarit në Gjykatën e Hagës dhe mund të ketë sqaruar se si i ka marrë të dhënat, kush ia ka sjellë të dhënat dhe kuptohet fuqia e Gjykatës Speciale në Hagë është e tillë që mund të merr të dhëna edhe në Serbi edhe në Kosovë edhe kudo që ka interes sepse me ligj i ka të garantuara. Në qoftë se ajo e ka nxjerrë blof Serbinë atëherë ka të drejtë, ka të drejtë nga frika por është e mundshme si ide të ketë qenë e ndonjë institucioni siç është BIA ose shërbimet e tjera që o ka Serbia që nuk i di të gjitha. Sipas analistëve kroat kanë qenë 12 shërbime të ndryshme që kanë funksionuar dhe kanë qenë nën urdhrat e njerëzve dhe institucioneve të veçanta në Serbi. Pra gjithçka në raport me këtë, të ketë besueshmëri kjo që është marrë në mbrojtje Dick Marti apo jo është, lidhet me atë se si e ka sqaruar Gjykatën Speciale Dick Marti”, ka thënë Haliti.
I ftuar në emisionin “ResPublika” me Zijadin Gashi në Tëvë1, deputeti i PDK-së, Xhavit Haliti më tej është shprehur se Kosova është dashur dhe është vonuar për ta themeluar Gjykatën për Krime lufte.
“Si politikan mendoj që Kosova është dashur dhe është vonuar për ta themeluar Gjykatën për Krime lufte. Gjykatë që do të funksiononte në Kosovë dhe në qoftë se bashkësia ndërkombëtar nuk i besonte kësaj gjykate ata kanë pasur kompetenca për ta dërguar prapë në Hagë edhe pa na pyetur neve”, ka thënë deputeti i PDK-së në Tëvë1.
