Haliti në emisionin “Këndi i Debatit” tha se nuk mund të pezullohet marrëveshja për Asociacionin sepse sipas tij nuk ka mekanizma për ta pezulluar pasi që thotë se kjo është marrëveshje ndërkombëtare.
“Katër parimet e Grupit të Kontaktit kanë qenë të theksuara edhe për këtë çështje, është një parim, Serbia nuk ka kthim në Kosovë në variantin e saj. Asociacioni i Komunave duhet të themelohet, duhet të njihet gjuha serbe dhe gjuha shqipe të jetë e barabartë në gjithë territorin e Kosovës, alfabeti cirilik duhet të jetë në të gjithë territorin e Kosovës dhe të njihet e drejta e 40 Kishave dhe Manastrive që të kenë territorin e garantuar të tyre dhe në pronat e tyre. Kështu ka qenë marrëveshja”, tha Haliti.
