I ftuar në emisionin “Info Nata”, Haliti ka thënë se Planifikimi Zhvillimorë Komunal, Strategjia e Zhvillimit Ekonomik -Lokal dhe Hartat Zonale janë dokumente bazë, janë kushtetutë e zhvillimit ekonomik lokal.
“Planifikimi Zhvillimorë Komunal, Strategjia e Zhvillimit Ekonomik- Lokal dhe Hartat Zonale janë dokumente bazë, janë kushtetutë e zhvillimit ekonomik lokal. Planifikimin e Zhvillimit Ekonomik – Lokal ne me përfundimin e mandatit të planit të vjetër e kemi filluar dhe e kemi përfunduar dhe e kemi dorëzuar në Ministrinë e Ambienti, i ka tre ose katër muaj dhe ende nuk është nënshkruar, na i kanë dërguar dy sugjerimi, ne i kemi plotësuar dhe i kemi dërguar prapë mirëpo ende nuk e kanë nënshkruar”, tha ai.
Tutje gjatë emisionit, Haliti deklaroi se Komuna e Vitisë ju ka drejtuar disa herë me shkrim Ministrisë së Ambientit mirëpo nuk ka marrë asnjë përgjigje.
Prandaj ai bëri thirrje që Planifikimin për Zhvillimin Ekonomik- Rural të nënshkruhet nga ana e Ministrisë së Ambientit në mënyrë që Komuna e Vitisë të fillojë sa më parë implementimin.
“Ju kemi shkruar disa herë për t’i pyetur mirëpo nuk kemi marrë ende përgjigje. Unë nga këtu bëj thirrje që plani zhvillimor komunal i Vitisë i cili me dy vërejtje edhe ato janë plotësuar të nënshkruar dhe të vijë a më parë që të fillojmë ne implementimin”, tha Haliti./Teve1.info/
