Ajo përmes një postimi në Facebook ka kritikuar qasjen e Qeverisë karshi policëve të cilët tash e 12 ditë po qëndrojnë të ngujuar në Jarinjë e Bërnjak.
Teksa ka thënë se policët janë heronj sa për t’u fotografuar me ta, e pastaj sipas saj, anashkalohen në çdo hap.
“Është tërësisht e papranueshme, që policët e Kosovës të cilët rrezikojnë jetën çdo ditë; e nuk kanë as sigurime shëndetësore; dalin në detyrë me çizme të shqyera e me jelekë antiplumb me afat të skaduar; tani të vuajnë për gjëra edhe më bazike se këto. Nuk ka kurrfarë arsyetimi lënia e policëve të izoluar, pa ushqim, e të detyrohet EULEX-i për t’iu derguar rroba e ilaqe. Heronjë sa për t’u fotografuar me ta, e pastaj në çdo hap të anashkaluar. E turpshme kjo sjellje e kjo neglizhencë e pushtetarëve karshi policëve që prej dy javësh vuajnë pasojat e popullizimit të partisë në pushtet”, ka shkruar ajo.
Kurse gjatë ditës së djeshme zëdhënësi i Policisë, Baki Kelani për tëvë1.info, ka thënë se PK-ja po mban kontakte të vazhdueshme edhe me KFOR-in, të cilët për shkaqe shëndetësore kronike kanë përkrahur transportimin e nëntë zyrtarëve policor nga veriu në jug./teve1.info./
