Rektori i Kolegjit “UBT” Edmond Hajrizi tha se përmes teknologjisë do ta ngrisin Kosovën nga mësimi klasik 1.0 në atë modern 3.0
Sipas tij, formati klasik i blerjes së laboratorëve është me kosto shumë të lartë, derisa siç tha ai, në formatin virtual kostoja është deri në 70 për qind më e lirë.
“Formati klasik i blerjes së laboratorëve me kosto shumë të larta, mandej vjetërsia e tyre teknologjikemas 2 vite, mungesa e financave me ble prap një pajisje të tillë është shumë e shtrenjtë. Ndërsa në formatin virtual prap do ta kesh përceptimin e njëjtë, por kostoja është 60 apo 70 për qind më e lirë”, tha Hajrizi në emisionin “ReSpublikë” në Tëvë1.
Tute Hajrizi tha se te edukimi kanë filluar tashmë që shkollave publike në vend t’ua shpërndajnë përdorimin e teknologjisë virtuale.
“Tash këtë platform kemi fillu me ua dhënë edhe atyre me përdorë dhe shkollat e Kosovës, shkollat profesionale kanë mundësi që ti qasen laboratoreve virtual me miliona asete, ku kanë mundësi tashmë me e mësu, kanë mundësi me përjetu dukuri të cilat nuk i kanë në shkolla. E të cilat ndoshta kanë mungu me e kriju një kompetencë të mirëfilltë profesionale, se nuk e ka puntorinë, nuk e ka laboratorin, nuk i ka pajisjet të gjitha për kompetencat. Tash në mënyrë virtuale ai ka miliona asete dhe çkado që i duhet ai e krijon ose e përdorë ose e bën një interaktivitet me këto asete, të cilat tash i ka në përdorim”, tha ai.
Derisa theksoi se do ta promovojnë Kosovën si një hap inovativ dixhital.
“Dhe ne shohim se tash ajo e rritë kompetencën, sepse kështu e vërejmë edhe tek ne. Dhe me këtë e ngrisim edhe Kosovën nga një të ashtuquajtur classroom 1.0 në classroom 3.0 dhe e promovojmë edhe Kosovën si një hap inovativ dixhital. Ku të mirat që mund ti merr nga teknologjia është duke i përdorë dhe i sheh të mirat në përgjithësi”, shtoi Hajrizi./teve1.info./
