Manchester United u eleminua mbrëmjen e së shtunës nga Liga e Kampionëve, pasi u mposht në shtëpi nga Atletico Madrid me rezultatin 0-1.
Megjithatë, gjatë kohës kur kjo ndeshje po luhej një ngjarje aspak e mirë i ka ndodhur mesfushorit të Manchester United, Paul Pogba, i cili u fut në ndeshje si zëvendësues në minutën e 67.
Ai përmes një postimi në rrjetin social Twitter, ai ka bërë të ditur se hajnat kanë hyrë në shtëpinë e tij ne momentin kur fëmijët e tij ishin në gjumë dhe kjo ishte tepër shqetësuese për të dhe gruan e tij e cila ishte në Old Trafford për ta ndjekur ndeshjen.
Fatmirësisht fëmijët e mesfushorit nuk ishin objekt i sulmit nga ata që hynë në shtëpinë e tyre, mirëpo Pogba thotë se atyre ju morr ajo që kishte vlerë më së shumti për ta.
“Hajnat qëndruan në shtëpinë tonë për më pak se 5 minuta, por në atë kohë ata arritën të marrin prej nesh diçka me më shumë rëndësi se çdo gjë tjetër që kishim në shtëpinë tonë… ndjenjën e të qenurit i sigurt” ka shkruar Pogba në Twitter.
Pogba ofroi një shpërblim për informacionet që mund t’i japë dikush atij në lidhje me vjedhjen në shtëpinë e tij, ndërsa United po punon me të gjithë lojtarët e tyre për të forcuar dhe rishikuar sigurinë e tyre.
Kjo nuk është hera e parë që ngjarje të tilla, pasi më herët futbollistë si Di Maria, Mesut Ozil e shumë të tjerë, kanë qenë cak i këtyre sulmeve.
