Fatime Hajdari analiste politike ka thënë se subjektet politike duhet të reflektojnë dhe të arrijnë një marrëveshje për zgjedhjen e presidentit.
Ajo ka thënë se kjo duhet të bëhet për interesin e vendit.
Hajdari duke folur për procesin e zgjedhjes së presidentit ka kritikuar partitë opozitare që nuk kanë dhënë emra për president.
Sipas saj me propozime ato do të sfidon pushtetin.
Hajdari në emisionin “InfoNata” në Tëvë1 ka se faji për dështimin e zgjedhjes së presidentit do të bie mbi opozitën.
“Konsideroj që të gjitha palët duhet të reflektojnë fillimisht të bëjnë një sakrificë partiake apo të ngushtë duke propozuar një kandidaturë konsensuale. Fatkeqësish nuk kemi pas një bashkërendim mes partive opozitare, sepse do të ishte shumë e natyrshme që të bashkoheshin rreth një kandidature dhe më pas ta sfidonin pushtetin. Në rastin kur nuk ke bë një gjë të tillë, deshëm apo jo, kjo kërkesa se kush e ka fajin më shumë apo më pak do të ngelet te ata”, ka thënë ajo.
Kryeministri i Kosovës, Albin Kurti njëherit kryetar i LVV-së ka zhvilluar dy takime me kreun e PDK-së, Bedri Hamza dhe atë të LDK-së, Lumir Abdixhiku.
Pas dështimit të këtyre takimeve ai ka thënë se nga këto parti nuk i është propozuar asnjë emër konkret dhe se PDK ka kërkuar që propozimet të vijnë nga kjo parti, por duke mos treguar emrat.
Ndryshe deri në dështimin e këtyre takimeve të hënën, liderët partiakë pas takimeve të cila i vlerësonin konstruktive thonin se është diskutuar për parimet e zgjedhjes së të parit të vendit.
28 prilli është afati i fundit kur Kuvendi duhet ta zgjedh presidentin në të kundërtën vendi shkon në zgjedhje brenda 45 ditëve.
