Hajdari tha se duke parë situatën aktuale të rritjes së çmimeve, Qeveria ka hartuar ligj që ka për qëllim të rregulloj masat mbrojtëse të furnizimit me produkte themelore për konsumatorët, përcjell teve1.info
“Duke marrë parasysh situatën aktuale të rritjes së paarsyeshme të çmimeve të produkteve bazë, si dhe ankesave të shumta të qytetarëve për rritjen e menjëhershme të çmimeve tek të gjitha produktet bazë, Ministria e Industrisë dhe Qeveria ka hartuar ligjin i cili do të aplikohet në rastet e destabilizimit në treg”, tha ajo.
Ministrja Hajdari ka treguar se cilat produkte do të kenë çmim tavan.
“Produktet themelore në kuptim të këtij ligji janë drithërat, mielli, gruri, buka, orizi, pastat, vaji ushqimor i lulediellit, qumështi, kripa e kuzhinës, vezë pule, mishi i pulës, sheqeri kristalor, produktet e higjienës personale, lëndët e drurit për djegie”, bëri të ditur Hajdari. /Teve1.info/
