E ftuar në emisionin “Info Nata” në Tëvë1, ajo ka thënë se për këtë ka intervenuar ministria.
“Kemi pasur një krizë të rritjes së çmimeve, disa prodhues kanë mirëkuptu situatën por disa të tjerë nuk kanë mirëkuptuar. Dhe ne si ministri është dashtur të ndikojmë dhe të marrim veprime sepse ndryshe do të kishte pas tejlartësi të çmimeve të disa produkteve, p.sh vajit ushqimor apo naftës… Spekulimet në çmime i kemi analizuar dhe kemi vërejtur marzhë tregtare të paarsyeshme, rritje të paarsyeshme të çmimeve si te vezët, buka., etj”, ka shtuar ajo.
Ministrja po ashtu ka thënë se pas rritjeve enorme të çmimit të vajit kanë mbyllur depo të shumta
“Situata është shfrytëzuar por ne morëm disa vendime sa i përket legjislacionit të naftës, mbylljes së depove për vajin, me çmimin shitës që shkonte deri në 3.49 euro, brenda një ditë e të gjithë të koordinuar. Ne është dashtë të gjejmë të gjitha depot, kemi hasur në mallra të padeklaruara, disa mosdeklarime të tjera dhe është dashur t’i mbyllim ato depo dhe të rrisim rezervën shtetërore”, ka shtuar Hajdari.
Hajdari ka thënë se rezerva shtetërore është rritur për 16 herë më shumë gjatë 2022.
“Rezerva shtetërore është rritur për 16 fish më shumë gjatë 2022. Kemi gjetur me një shumë të caktuar por për të siguruar popullatën kryesisht me produkte ushqimore, kemi rritur rezervën e grurit, vajit, shqerit, naftës., etj. Rezerva është furnizim nga vendi kryesisht por kemi edhe importe, kryesisht nga Franca, përmes Turqisë., etj”, ka deklaruar Hajdari.
