Mbrojtësi Albian Hajdari sipas të gjitha gjasave do të vazhdojë karrierën në Bundesligën e Gjermanisë, kanë raportuar mediumet zvicerane të hënën.
Bëhet e ditur se Hajdari pritet të transferohet tek Hoffenheimi, ekip që pothuajse ka arritur marrëveshje me Luganon për shërbimet e tij.
Hajdari nuk ishte i pranishëm në stërvitjen e së hënës tek Lugano, duke nxitur edhe më tej spekulimet për largimin e tij nga klubi zviceran gjatë kësaj jave.
Hoffenheimi është në kërkim të një mbrojtësi dhe po e sheh 22-vjeçarin si përforcim ideal, duke pasur parasysh se në dy sezonet e fundit, Hajdari ka regjistruar 110 paraqitje për Luganon.
Ai ka kontratë me ekipin zviceran deri në vitin 2028 dhe kartoni i tij vlerësohet mbi 10 milionë euro, ndërsa këtë verë është kërkuar edhe në Premier League nga Ëest Ham Unitedi.
Me kalimin e tij tek Hoffenheimi, Hajdari do ta shtonte në tre numrin e futbollistëve shqiptar pasi pjesë e këtij ekipi janë edhe Fisnik Asllani e leon Avdullahu.
