Albian Hajdari në verë do të largohet nga skuadra e Luganos për të vazhduar karrierën në njërën prej top-pesë ligave evropiane.
Mbrojtësi i Luganos është njëri prej lojtarëve më të vlerësuar në kampionatin zviceran dhe tashmë ka tërhequr vëmendjen e disa skuadrave.
Bournemouthi, Lazio, Torino, Olympique Marseille e Bayer Leverkuseni, janë skuadrat që kanë shprehur interesim për Hajdarin dhe po synojnë ta transferojnë në verë.
Te skuadra e Luganos janë të gatshëm ta shesin Hajdarin, kartoni i të cilit po vlerësohet rreth 9 milionë euro.
21-vjeçari që ka një paraqitje me Kombëtaren e Zvicrës ka kontratë deri në vitin 2028 me Luganon, ekip për të cilin këtë sezon ka regjistruar 36 paraqitje dhe ka shënuar 1 gol.
