Prokurorial të Kosovës (KPK), Ardian Hajdaraj, ka deklaruar se vendimi për shkarkimin e Ushtruesit të detyrës së Kryeprokurorit të Shtetit, Besim Kelmendi, është marrë në përputhje me Kushtetutën dhe ligjet në fuqi të Kosovës.
Në një konferencë për media të mbajtur sot, më 25 nëntor 2025, Hajdaraj tha se shkarkimi erdhi pas zhvillimeve të javës së kaluar në KPK, ku Kelmendi dhe katër anëtarë të tjerë të Këshillit kishin lëshuar mbledhjen e datës 20 nëntor, duke bllokuar punën e Këshillit.
Vendimi për shkarkimin e tij u mor nga pesë anëtarët e tjerë të pranishëm, një veprim që sipas Hajdarajt ishte i nevojshëm për të garantuar funksionimin normal të Këshillit.
“Pas zhvillimeve të fundit, në takimin e mbajtur më 20.11.2025, Ushtruesi i detyrës Kelmendi dhe katër anëtarë të tjerë kanë lëshuar mbledhjen. Këta anëtarë erdhën të përgatitur për të bllokuar punën e Këshillit. Për këtë arsye kemi marrë vendim për shkarkim. Për arsye politike, KPK ka mbetur pa kryeprokuror. Në përputhje me Kushtetutën dhe ligjet, kemi vendosur shkarkimin e Besim Kelmendit dhe në vend të tij kemi caktuar Agron Qalajn si ushtrues detyre të Kryeprokurorit të Shtetit, i cili është prokuror në ZKPSH,” tha Hajdaraj.
Ai po ashtu mirëpriti vendimin e Kelmendit për të ndjekur rrugët gjyqësore për të kontestuar vendimin dhe bëri thirrje që Agron Qalaj të shqyrtojë çdo pretendim të ngritur nga Kelmendi për presione apo shantazhe.
“Pretendimet për kërcënime, sulme dhe shantazhe, nga katër anëtarët e KPK-së dhe zoti Kelmendi, janë të pabaza, pasi askush nuk i ka shantazhuar apo kërcënuar anëtarët,” shtoi Hajdaraj./teve1.info/
