Futbollisti i Kombëtares së Kosovës, Florent Hadërgjonaj po e vazhdon shkëlqimin në Superligën e Turqisë, me skuadrën e Alanyasporit.
Hadërgjonaj pati paraqitje fantastike në ndeshjen e fundit, ndonëse Alanyaspori u mposht në shtëpi 2:1 nga skuadra e Basaksehirit.
Hadërgjonaj e shënoi golin e nderit për Alanyasporin dhe luajti gjatë tërë ndeshjes për t’u vlerësuar me notën 8.3 dhe për t’u përfshirë në ekipin e javës.
Futbollisti “dardan” ka zënë vend në formacionin më të mirë të xhiros së 23-të, në 11-shen e publikuar nga faqja e specializuar “SofaScore”.
Hadërgjonaj ka 19 paraqitje në Superligën e Turqisë, ku ka shënuar 4 gola dhe ka bërë po aq asistime, ndërsa në total për Alanyasporin këtë sezon, ai ka 7 gola e 5 asistime në 23 ndeshje në të gjitha garat.
