Pas një periudhe të mungesës me projekte kur të gjithë prisnin hite të reja, Gjesti ka folur hapur për herë të parë, duke zbuluar arsyen që e ka larguar nga muzika dhe projektet. Në një mesazh të gjatë e emocional, ai ka rrëfyer se po përballet me një çështje personale që e ka detyruar të ndalë përkohësisht aktivitetin e tij.
“Edi jom zhduk këto ditë për arsye personale. Nuk jam aktiv as me projekte as sen, po shumë shpejt besoj që kryhet ky problem edhe kom me kon pranë juve, si gjith me dek sistemin. Ju uroj krejt të mirat, faleminderit për çdo sen që e boni për mu” – ka shkruar ai, duke e nisur mesazhin me falënderime për ata që e mbështesin.
Ai ka sqaruar se bëhet fjalë për një padrejtësi që po e pengon të ecë përpara: “Jon do sene që unë s’po du mi nda në media se nuk ja vlen… Po për juve ni sqarim t’vogël: deri sa të përfundojë ni padrejtësi që mu ka bo, nuk muj me kon aktiv”.
Megjithatë, këngëtari ka treguar vendosmëri dhe forcë përballë situatës: “Eh, qeshtu ish jeta, po dorëzim nuk ka kurrë! Edhe nuk nalna deri sa ta marr atë që e du, pa marrë parasysh çka ndodh”.
Gjesti e ka mbyllur reagimin me një ftesë miqësore për ndjekësit: “E juve ju uroj krejt të mirat, dilni naj herë për kafe”.
Kujtojmë se kënga e tij e fundit është “Vishu Ndrequ”, ndërsa ky reagim i sinqertë ka ngjallur kureshtje të madhe për të ditur se çfarë fshihet pas “padrejtësisë” që e ka mbajtur larg skenës.
