Viktor Gyokeres është afër arritjes së marrëveshjes me klubin nga Premier League, Arsenalin.
Gyokeres ka dominuar afatin kalimtar të verës, pasi ka qenë lidhur me disa nga klubet më të mëdha evropiane, përfshirë Manchester Unitedin e Juventusin.
Por destinacioni i preferuar i sulmuesit suedez është Arsenali, që është i vendosur të sigurojë një sulmues të ri këtë verë.
Arsenali po pritet ta mbyll marrëveshjen me Sportingun e Lisbonës së shpejti dhe vlera e saj do të jetë 80 milionë euro.
Kjo do ta bënte Gyokeresin lojtarin më të shtrenjtë të Suedisë në historinë e futbollit, duke tejkaluar Zlatan Ibrahimoviqin e Alexander Isakun.
Gyokeres ka tërhequr interesim të madh pas paraqitjeve me gjigantin portugez, ku shënoi 54 gola në sezonin e fundit.
