Partia Guxo ka prezantuar kandidatin e saj për kryetar të Gjilanit në zgjedhjet lokale të 12 tetorit.
Arkitekti Ilir Poroshtica do të jetë kandidati me të cilin Guxo synon ta fitojë garën për Gjilanin.
Kryetaraj e kësaj partie, Donika Gërvalla ka thënë se me fitoren e Poroshticës do të fitojë qytetari i Gjilanit.
“Arkitekti i njohur, qytetari shembullor dhe njeriu i mirë dhe punëtor i këtij vendi, Ilir Poroshtica, do të jetë kandidat për Kryetar të Gjilanit nga Partia GUXO. Me vendosmërinë e sigurinë, por edhe me modestinë e një profesionisti kulminant, Iliri po i hyn kësaj gare për të fituar, por fituesit e vërtetë do të jenë qytetarët e Gjilanit”, ka shkruar ajo në Facebook.
