Deputeti i zgjedhur nga LDK, Paris Guri ka deklaruar se LDK-ja është parti institucionaliste që në asnjë mënyrë nuk ka pasur historikisht rol bllokues në institucionet e Kosovës.
Mirëpo, sipas tij refuzimi i LDK-së nga ftesa e kryeministrit Kurti ka ndodhur për arsye të gjuhës që ka përdorur LVV-ja ndaj LDK-së gjatë fushatës zgjedhore.
Madje ai tha se LDK nuk mundet me qeverisë me dikë që ka ofendua subjektin politik dhe votuesit e këtij subjekti.
“Nëse ti ofendon me fjalë të rënda publikisht dikë gjatë krejt fushatës zgjedhore dhe pas zgjedhjeve madje, pas publikimit të rezultateve t`i i referohesh LDK-së si lodhja demokratike me terma të ndryshëm ofendues, unë nuk e kam pritur sepse kjo nuk është e dinjitetshme. Ti nëse ke asi mendime për dikë dhe masandej po më duhesh dhe të drejtohem si i nderuar kryetar i LDK-së, Lumir Abdixhiku kështu që unë nuk është që e kam pritur një ftesë të tillë, e rëndësishme është që LDK ka mbajt një qëndrim të dinjitetshëm edhe para strukturave dhe votuesve të saj pasi që qëndrimi jonë edhe para fushatës zgjedhore edhe gjatë fushatës zgjedhore ka qenë që ne nuk futemi në koalicion me LVV-në dhe kjo është një precedent i mirë për demokracinë e Kosovës, pasi që unë mendoj që paritë politike duhet me e mbajt fjalën që e jepi në fushatë zgjedhore dhe para fushatës zgjedhore dhe nuk mendoj që qëndrimet të ndryshohen në njëfarë mënyre të mashtrohen elektorati i secilës parti politike.
LDK-ja është parti institucionaliste dhe në asnjë mënyrë nuk ka pasur historikisht rol bllokues në institucionet e Kosovës, mirëpo refuzimi i LDK-së vjen për shkak të gjuhës që e ka përdorur LVV-ja ndaj LDK-së. Ne nuk mundemi me paramendua me qeverisë me dikë që përveç e ka ofendua subjektin tonë politik e ka ofendua edhe të gjithë votuesit e LDK-së”, ka deklaruar Guri në emisionin “Ditari” në tëvë1./teve1.info/
