Ish-deputeti i Lidhjes Demokratike të Kosovës, Paris Guri, ka deklaruar se LDK-ja është e gatshme dhe e përgatitur për të marrë përgjegjësinë e udhëheqjes së Qeverisë së Kosovës, duke theksuar se kjo parti mbetet forca më përbashkuese në skenën politike të vendit.
Sipas Gurit, këtë realitet e pranojnë edhe partitë e tjera politike, të cilat, siç tha ai, e shohin LDK-në si subjektin më të përshtatshëm për të qeverisur vendin.
Ai shtoi se eksponentët politikë janë të vetëdijshëm se vetëm LDK-ja ka kapacitetin për të udhëhequr me stabilitet dhe përgjegjësi institucionale.
Ai theksoi se LDK-ja mbetet e përkushtuar ndaj zhvillimit ekonomik, forcimit të partneriteteve ndërkombëtare dhe ndërtimit të institucioneve funksionale në shërbim të qytetarëve.
“LDK-ja pret me e bo qeverinë e Kosovës, për arsye që jemi partia më përbashkuese edhe këtë po e thonë edhe të gjitha partitë tjera, të gjithë partitë tjera po e dojnë LDK-në me qeveris, eksponentë tonë politik e dijnë që vetëm LDK-ja mund me qeveris. Sa herë që ka qenë LDK-ja pjesë e qeverisjes dhe në pushtet, Kosova është zhvilluar, ka pasur projekte kapitale, ka pasur marrëdhënie të mira me aletatët ndërkombëtar, miqësi të mirë dhe jemi zhvilluar në aspketin ndërkombëtar dhe në aspektin kombëtar”, deklaroi Guri në emisionin “Mesditë” në Tëvë1./teve1.info/
