Qendërmbrojtësi Marc Guehi do të jetë i gatshëm dhe në dispozicion të trajnerit të Anglisë për ndeshjen gjysmëfinale të “Euro 2024” kundër Holandës.
Në fakt, Guehi do të jetë titullar në këtë përballje pasi mungoi në çerekfinale ndaj Zvicrës shkaku i suspendimit.
Anglia e eliminoi Zvicrën pas penalltive për të avancuar në mesin e katër kombëtareve më të mira të Evropianit.
Guehi ka qenë njëri prej lojtarëve më stil të Anglisë në Evropian, ndërsa në duelin e fundit është zëvendësuar nga Ezri Konsa, i cili do të rikthehet në stol me Holandën.
Krahas Guehit, trajneri anglez po mendon të bëjë edhe një ndryshim në krahun e majtë të mbrojtjes, duke e inkuadruar Luke Shawin në vend të Kieran Trippierit që ka qenë titullar i padiskutueshëm.
Guehi dhe Shaw, pritet të jenë ndryshimet e vetme të Gareth Southgatet për gjysmëfinalen kundër Holandës që pritet të jetë e kompletuar për këtë duel.
