Trajneri i Manchester Cityt, Pep Guardiola, ka nevojë për lojtarët e tij për të arritur një objektiv të ri para fundit të sezonit, ndërsa ata luftojnë për të ardhmen e tyre.
Guardiola tha se lojtarët e tij të Manchester Cityt kanë 13 ndeshje në Premier League për të treguar se mund të jenë pjesë e një ekipi me pamje të re.
Omar Marmoush, Abdukodir Khusanov dhe Nico Gonzalez ishin startues në “Bernabeu” dhe Vitor Reis gjithashtu mbërriti në janar pasi rënia alarmante e kampionëve të Premier League i detyroi ata të fillonin një rindërtim që Guardiola e kishte shtyrë verën e kaluar.
Me Kevin De Bruyne që i skadon kontrata në verë dhe Ilkay Gundogan që po lufton pas kthimit nga Barcelona, City mund të duhet të marrë vendime të vështira për disa nga lojtarët e tyre më tërëndësishëm, përcjellë KosovaPress.
“Ne kemi kohë për të menduar për këtë. Tani është e lehtë të thuhet, por nuk është çështja,” tha ai. “Humbja 2-3 në shtëpi ishte e vështirë për t’u gëlltitur. Me kalimin e kohës, skuadra dhe klubi do të pranojnë atë që është dhe ne kemi 13 ndeshje në Premier League për të provuar të jemi këtu sezonin e ardhshëm. Asgjë nuk është e përjetshme”, ka thënë Guardiola.
Ai shtoi se një cikël i ri tashmë ka nisur në Etihad: “Pak, po, ne kemi filluar ta bëjmë atë. Gjërat nuk janë të përjetshme, ka lojtarë që kanë një moshë.”
