Duke folur për “BBC” pas ndeshjes, Guardiola ishte plotë me lëvdata për Liverpoolin dhe pranoi se ishte penduar që skuadra e tij nuk mundi të bënte më shumë në këtë takim.
“Është kjo që është”, tha spanjolli. Kundër atij ekipi ishte pothuajse e pamundur. Ju duhet të luani lojëra të tilla. Ne jemi ende në krye të tabelës, kështu që kemi një ndjenjë që humbëm një mundësi të madhe për të dhënë një vulë, por kanë mbetur edhe shumë ndeshje”.
“Ti je trajner për këto lloj lojërash sigurisht. Mënyra se si ne luajmë me këto skuadra, më atë lloj të sulmuesve… Ata janë të jashtëzakonshëm”, theksoi më tutje trajneri i Cityt.
“Me guximin tonë në lojë dhe rastet që patëm, veçanërisht në minutën e fundit, ne u mbrojtëm jashtëzakonisht mirë dhe krijuam disa raste. Ne do të vazhdojmë përpara. Do të relaksohemi pak dhe do të përgatitemi për Champions League”, tha në fund Guardiola.
Ndërsa, trajneri i Liverpool, Jurgen Klopp tha se ndeshja me Cityin ishte si një luftë boksi.
Duke folur për Sky Sports pas ndeshjes, Klopp tha: “Çfarë loje e egër. Fillim më i mirë për Cityn, por mund ta përshkruani pak si një luftë boksi. Të dy me duart poshtë dhe për një sekondë ju merrni goditje të mëdha. Mund të tundesh pak dhe më pas të vjen goditja tjetër nga skuadra tjetër”.
“Më pëlqyen shumë gjëra, kur luanim me pasime të thjeshta ishim vërtet të rrezikshëm dhe kështu shënonim golat. Ishte një lojë e shkëlqyer dhe rezultati i duhur”, vazhdoi trajneri gjerman.
“Isha i bindur se mund ta fitonim këtë ndeshje. Ata ishin shumë më të drejtpërdrejtë se ne sot. Ata kishin një ide më të drejtpërdrejtë se ne dhe ne donim t’i linim ata të vraponin kur ishin në zotërim. Në mbrojtje ndonjëherë ishim në nxitim, ata na vunë nën presion dhe ne mund t’i mbrojmë më mirë këto situata”, shtoi Klopp në fund.
City e Liverpool do të vazhdojnë garën për titull te kapionit deri në fund. City ka 74 pikë lider në tableë e ndjekur nga Liverpool që ka vetëm një pikë më pak në vendin e dytë.
