Një person është arrestuar nga Policia e Kosovës, pasi që i njëjti dyshohet se ka grumbulluar mish me afat të skaduar dhe pastaj e ka përpunuar në suxhuk.
Njësitë policore së bashku me AUV në fshatin Sigë të Pejës, gjatë bastisjes në fabrikën për përpunim kanë gjetur e konfiskuar produkte mishi gjysmë të përpunuara.
Mishi gjysmë i përpunuar ishte pa origjinë, pa dekleracion, pa datë të prodhimit e skadimit.
Policia bënë të ditur se me vendim të inspektorëve të AUV-it, malli është asgjësuar, ndërsa i dyshuari pas intervistimit me urdhër të prokurorit është dërguar në mbajte.
Në raportin ditor të PK-së thuhet se rasti është duke u hetuar dhe i njëjti është iniciuar “Prodhim dhe vënie në qarkullim e artikujve të dëmshëm ushqimore”.
“Fsh. Sigë, Pejë 20.10.2023-10:30. Njësitet e DHKEK-së kanë arrestuar të dyshuarin mashkull kosovar, nën dyshimin se i njëjti ka kryer veprën e cekur, duke grumbulluar produktet e mishit me afat të skaduar dhe pastaj të njëjtat i ka përpunuar duke përfunduar si suxhuk. Gjatë bastisjes, njësitet policore në bashkëpunim edhe me AUV-në, në fabrikën për përpunimin e mishit kanë gjetur e konfiskuar produkte mishi gjysmë të përpunuar, pa origjinë, pa deklaracion, pa datë prodhimi e skadimi. Me vendim të inspektorëve të AUV-it, malli është asgjësuar, ndërsa i dyshuari pas intervistimit me urdhër të prokurorit është dërguar në mbajtje. Rasti duke u hetuar”, thuhet në njoftim./teve1.info/
