Ai në “Ditari” në Tëvë 1, deklaron se kjo nuk mund të ndodhë në “terme afatshkurtër” për shkak se gjatë rrugës për anëtarësim vendi do të përballet me kundërlobim nga Serbia.
“Shanset janë të mëdha që Kosova të bëhet anëtare e Këshillit të Evropës për shak se është vendimmarrje që përcaktohet prej votimit të 2/3 votave dhe mendoj që ky numër prej 47 anëtarëve mund të arrihet dhe unë e shoh si një mundësi reale që Kosova të bëhet anëtare por nuk e shoh që mund të ndodhë në terme afatshkrutër sepse është procedurë afatshkurtër që përpos lobimit do të përballemi me kundër lobim të Serbisë ndoshta e ndihmuar edhe nga Rusia”, tha ai.
Madje, ai ka treguar edhe për procedurat që do të përballet tash e tutje Kosova për t’u anëtarësuar në këtë organizëm.
“Procedurat janë të gjata dhe kjo fillon me aplikimin për anëtarësim që e kemi bërë, hapi tjetër që na pret është se do të ketë një komision të ekspertëve që do të vijnë në Kosovë ku do të bëjnë një raport që do të vlerësoj infrastrukturën tonë ligjore, të drejtat e njeriut, nivelin e mbrojtjes së njeriut, funksionimit të mekanizmave të drejtësisë etj dhe raporti do t’i dërgohet Asamblesë Parlamentare të Këshillit të Evropës masandej Këshilli i Evropës do ta vendosë me 2\3 anëtarësimin. Është një procedurë jashtëzakonisht e gjatë dhe që kërkon përmbushjen e një seri kriteresh”, tha ai.
Ndërkaq, sa i përket “skepticizmit” të Francës lidhur me këtë proces, referuar deklaratave të ambasadorit francez në Beograd – Gruda vlerëson se nuk qëndrojnë.
Sipas tij, nëse Franca do ta pengonte këtë proces, atëherë aplikimi i Kosovës nuk do të ndodhte “për shkak të influencës së madhe që shteti francez ka në Evropë”.
“Kjo çështja e Francës është pak e dualizuar ajo që tha ambasadori në Beograd ishte që po e Ambasada e Francës e tha të kundërtën nuk besoj që Franca do ta pengojë nëse do të ishte kundër anëtarësimi jonë do të ishte i pamundur për shkak të influencës së madhe që ka në vendet tjera në vendet tjera dhe pozicionin në politikbërjen evropiane e kontinentale por nuk besoj që Franca do të dalë si pengesë në këtë rrugë”, shtoi ai./teve1.info/
