Mesfushori ofensiv, Brajan Gruda ka insistuar se i duhen vetëm edhe disa ndeshje për t’u kthyer në top-formë dhe për ta dëshmuar veten me fanellën e Brightonit në Premier League.
Gruda ka insistuar se lëndimi i menjëhershëm pasi u transferua te Brightoni i ka pamundësuar atij të tregoj vlerat e tij.
20-vjeçari gjatë verës iu bashkua Brightonit nga Mainzi për 30 milionë euro dhe deri më tani ka vetëm dy paraqitje apo 21 minuta lojë në kampionatin anglez.
“Jam duke e marr veten nga lëndimi dhe pas disa javëve do të jem 100 për qind i gatshëm dhe në top-formë për të dëshmuar veten. E rëndësishme është që trajneri ka besim në mua dhe me padurim pres ta ndihmoj ekipin”, ka thënë Gruda.
Gruda ka kontratë me Brightonin deri në verën e vitit 2028 dhe vlerësohet si njëri prej futbollistëve më të talentuar në pozitën e tij.
