Një ngjarje e rëndë ka ndodhur mëngjesin e sotëm në lagjen nr. 1 të qytetit të Pogradecit, ku 52-vjeçarja Kozeta Teço është gjetur pa shenja jete në banesën e saj, e cila ishte përfshirë nga flakët.
Fillimisht u dyshua se vdekja kishte ardhur nga asfiksimi, por hetimet morën një tjetër drejtim pas verifikimit të pamjeve të kamerave të sigurisë, të cilat ndihmuan në identifikimin e autorit të dyshuar dhe dinamikës së pas ngjarjes.
Në pamjet filmike është parë një 37-vjeçar duke dalë nga një rrugicë rreth orës 05:30 të mëngjesit dhe duke hedhur një send, të dyshuar si rrobat e tij, në një kazan mbeturinash.
Sipas burimeve, Ilirjan S. kishte pasur një lidhje intime me të ndjerën. Gjatë ditës ai u shoqërua i prangosur në vendin e ngjarjes për të treguar dinamikën. Ndërsa hetimet vijojnë për të dokumentuar plotësisht rrethanat dhe motivet e ngjarjes, i dyshuari u shpreh për mediet se nuk është ai vrasësi./RTSH/
https://teve1.info/wp-admin/post.php?post=468956&action=edit&classic-editor
