Aeroporti i Hamburgut, qyteti i dytë më i madh në Gjermani, ka anuluar të gjitha fluturimet të dielën për shkak të një greve njëditore mbi pagat e stafit tokësor, që u thirr nga sindikata Verdi.
Greva filloi më herët sesa që ishte paralajmëruar. Nga 40,000 pasagjerë që priteshin të jenë të dielën, me 144 fluturime mbërritjeje dhe 139 nisje, vetëm 10 fluturime u zhvilluan, para se greva të nisej në orën 6:30 të mëngjesit me orën lokale, tha aeroporti i Hamburgut në një deklaratë.
Aeroporti tha se greva e thirrur nga sindikata e punëtorëve Verdi, kishte filluar “pa asnjë njoftim”, pikërisht në kohën e pushimeve pranverore të Hamburgut, raporton The New York Times.
Sindikata, e cila përfaqëson punonjësit e shërbimeve të sektorit publik, tha se kishte çuar përpara grevën me një ditë dhe minimizoi paralajmërimin për kohën e fillimit për të maksimizuar presionin ndaj punëdhënësit dhe për të parandaluar aeroportin që të sjellë punëtorë jo sindikal.
Greva në Hamburg është e para nga shumë të tjera që janë paralajmëruar në aeroportet anembanë Gjermanisë të hënën, duke përfshirë aeroportet e Mynihut, Shtutgartit, Frankfurtit (Main), Këln-Bonit, Düsseldorf, Dortmund, Hanover, Bremen, Hamburg, Berlin-Brandenburg dhe Leipzig-Halle.
Rreth 510,000 njerëz do të preken nga greva të hënën, me më shumë se 3,400 fluturime të anuluara, sipas ADV, shoqata e operatorëve të aeroportit të Gjermanisë, raportoi media gjermane e lajmeve . Greva e fundit përfaqëson një përshkallëzim pasi Verdi, emri i plotë i të cilit është Unioni i Shërbimeve të Unifikuara, organizoi tërheqje në shkurt.
