Autoritetet greke vendosën pushime të detyrueshme nga puna këtë të hënë në disa rajone të vendit, ku temperaturat pritet të kapërcejnë 40 gradë Celsius (104 Fahrenheit), ndërsa vala e të nxehtit parashikohet të zgjasë deri të enjten.
Ministria e Punës urdhëroi ndërprerjen e aktiviteteve të punës manuale në natyrë dhe të shërbimeve të shpërndarjes së ushqimit, nga ora 12:00 deri në 17:00 (09:00–14:00 GMT), kryesisht në rajonin qendror të Greqisë dhe në disa ishuj.
Gjithashtu, punëdhënësve iu kërkua të ofrojnë mundësi për punë në distancë aty ku është e mundur, ka shkruar AP.
Në Athinë nuk janë zbatuar masa emergjente, pasi temperaturat aktuale – ndonëse të larta – nuk konsiderohen të pazakonta për këtë periudhë të vitit.
Autoritetet greke deklaruan se po ndërmarrin masa afatgjata për të përballuar ndikimet e ndryshimeve klimatike, përfshirë vendosjen këtë verë të një numri rekord zjarrfikësish për të përballuar rreziqet në rritje nga zjarret.
