Greqia nuk do ta mbështesë anëtarësimin e Kosovës në Këshillin e Evropës, kur Këshilli i Ministrave të japë vendimin përfundimtar në maj.
Ministri i jashtëm grek, Giorgos Gerapetritis, duke folur për mediat në Athinë, ka deklaruar se qeveria mbetet parimore në politikën e saj të jashtme.
“Greqia do të abstenojë nga ky votim. Me fjalë të tjera nuk do të mbështesë kërkesën e Kosovës për arsye politike”, ka thënë kryediplomati grek.
Qëndrimi i Athinës zyrtare mbetet i pandryshuar pavarësisht se raporti që sugjeronte se Kosova i ka plotësuar të gjitha kushtet për të qenë anëtare, u hartua nga diplomatja greke Dora Bakoyanis.
