Emri i mirënjohur i basketbollit evropian dhe botëror, Michalis Kakiouzis do të jetë në krye të Sigal Prishtinës për sezonin 2025/26.
Sigal Prishtina, të hënën e ka prezantuar trajnerin nga Greqia, me të cilin synon suksese në sezonin e ri.
Kakiouzis është një emër i madh i basketbollit, pasi si lojtar e ka fituar Evropianin me Greqinë, ndërsa ka dalë edhe nënkampion i botës.
Gjatë karrierës si lojtar aktiv, Kakizouzis ka luajtur për AEK-un, Barcelonën, Efes Pilsenin e shumë skuadra tjera të njohura evropiane.
Ndërkohë, si trajner punon prej vitit 2018 dhe ka drejtuar ekipe si Koropi, Enosis, Craiova e Keravnos dhe ka fituar gjatë trofe në Qipro, përfshirë dy tituj kampioni.
“Michalis Kakiouzis, kampion i Europës dhe legjendë e basketbollit europian, nga sot zyrtarisht trajner i Sigal Prishtinës!”, ka shkruar Sigal Prishtina në njoftim.
Me zyrtarizimin e trajnerit për sezonin e ri, Sigal Prishtina pritet të bëjë zyrtare edhe përforcimet pasi ka paralajmëruar se sezoni 2025/26, do të jetë sezoni i saj.
