FC Feronikeli 74 edhe zyrtarisht ka emëruar trajner të ti, Granit Dervishollin.
Ish-drejtori sportiv i Suharekës do të zëvendësoj trajnerin italian, dhe do të udhëheq skuadrën që nga dueli me Ballkanin, të premten.
“Feronikeli ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme.
Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, ka shkruar në Facebook klubi nga Drenasi.
