Google ka prezantuar një seri përditësimesh për Jules – asistentin e vet me inteligjencë artificiale që synon të ndihmojë programuesit në procesin e kodimit.
Keti Korevec nga Google Labs bëri të ditur në një postim në blog se mjetet e reja përfshijnë Jules Tools, një ndërfaqe të re komanduese (CLI) dhe një API të përmirësuar.
Sipas Korevec, Jules Tools e sjell asistentin direkt në terminal, duke e kthyer bashkëbisedimin në një përvojë pune “krah për krah” me programuesin. Ajo shtoi se përditësimet janë përqendruar në zgjatjen e qasjes në më shumë vende dhe rritjen e efikasitetit të përdorimit në ambiente reale pune.
Këto përmirësime shtojnë më shumë funksionalitete për krijimin e kodit, gjetjen dhe ndreqjen e gabimeve, si dhe testimin automatik – me qëllim të përmirësimit të produktivitetit të zhvilluesve.
