Një person është arrestuar nga Policia e Kosovës, pasi dyshohet se ka sulmuar një zyrtar policor duke e goditur me veturë.
Sipas raportit policor, incidenti ka ndodhur rreth orës 13:10, kur polici i ka kërkuar të dyshuarit të paraqesë dokumentet e tij. Në vend që të bashkëpunonte, i dyshuari ka refuzuar dhe ka tentuar të largohet.
Ndër tjerash është bërë e ditur se i dyshuari në pamundësi për të ikur, ai është nisur me shpejtësi dhe ka goditur policin, duke i shkaktuar lëndime. Zyrtari policor është dërguar për trajtim mjekësor, ndërsa i dyshuari është ndaluar nga autoritetet.
Rasti raportohet se ka ndodhur në Prizren, derisa njësitet relevante kanë nisur hetimet.
Pas intervistimit, me vendim të prokurorit, i dyshuari është dërguar në mbajtje./teve1.info/
