Pasditen e sotme, një këmbësor është goditur nga vetura në Ferizaj, me ç’rast ka pësuar lëndime të rënda trupore.
Zëdhënësi i Policisë, Kanun Veseli bën të ditur për Teve1.info se i lënduari, 53-vjeçar, është dërguar në Qendrën Emergjente në Ferizaj.
Teksa theksohet se shoferi i automjetit që ka goditur këmbësorin, është larguar nga vendi i ngjarjes.
“Sot, rreth orës 17:50 kemi pranuar një informacion se në fshatin Papaz të Ferizajt ka ndodhur një aksident komunikacioni, ku një automjet ka goditur një këmbësor, mashkull, i moshës rreth 53 vjeçar dhe është larguar nga vendi i ngjarjes, duke i shkaktuar lëndime të rënda trupore. Një ekip e emergjencës ka dalë në vendin e ngjarjes për ti dhënë ndihmën e parë mjekësore dhe të lënduarin e ka transportuar në Qendrën Emergjente në Ferizaj”, theksoi Veseli.
Veseli shtoi se Policia po punon intensivisht në identifikimin e automjetit që është larguar nga vendi i ngjarjes. /Teve1.info/
