Së paku shtatë njerëz u vranë dhe 20 u plagosën pasi një spital dhe një treg u bombarduan në Sudanin e Jufut, tha një organizatë bamirëse mjekësore.
Mjekët pa Kufij (MSF) thanë se helikopterët luftarakë hodhën një bombë në farmacinë e spitalit që ata drejtojnë në Old Fangak, shtetin Jonglei, duke e djegur atë, përpara se të qëllonin qytetin për 30 minuta. Një dron më pas bombardoi një treg lokal, thanë MSF.
Spitali është i vetmi në qarkun Fangak, i cili ka një popullsi prej më shumë se 110,000 banorësh, thanë MSF, dhe të gjitha furnizimet e tij mjekësore u shkatërruan.
Zëdhënësi i MSF-së, Mamman Mustapha, i tha programit Newshour të BBC-së se organizata bamirëse po përpiqej ende të përcaktonte faktet, por dëshmitarët vendas kishin thënë se avionët ishin “helikopterë të forcave qeveritare”.
Nuk pati asnjë koment të menjëhershëm nga qeveria e Sudanit të Jugut.
Në javët e fundit, Nicholas Haysom, i cili drejton misionin e OKB-së në Sudanin e Jugut, ka paralajmëruar se vendi është “në prag të një kthimi në një luftë civile në shkallë të plotë”.
Këto shqetësime janë nxitur nga një grindje në rritje midis Presidentit Salva Kiir dhe Zëvendëspresidentit Riek Machar.
Disa orë para bombardimit të spitalit, kreu i ushtrisë, Paul Majok Nang, premtoi sulme ndëshkuese pasi disa barka në një lumë u rrëmbyen.
Ai fajësoi për këto sulme një milici të lidhur me zëvendëspresidentin Machar, i cili nuk ka komentuar mbi këtë pretendim.
