Një këmbësore në Prizren është lënduar rëndë si pasojë e goditjes nga një veturë në mëngjesin e së premtes.
Kështu ka bërë të ditur për tëvë1.info zëdhënësi i policisë për rajonin e Prizrenit, Shaqir Bytyqi, i cili ka thënë se aksidenti ka ndodhur derisa ajo ishte duke kaluar rrugën jashtë vendkalimit për këmbësor.
Bytyqi po ashtu ka njoftuar se e lënduara fillimisht është dërguar në Spitalin Rajonal të Prizrenit, mirëpo më pas me rekomandimin e mjekut kujdestar ajo është dërguar për trajtim të mëtejmë mjekësor në Qendrën Klinike Universitare të Kosovës (QKUK).
Lidhur me rastin me vendim të prokurorit ngasësi i automjetit është ndaluar për 48 orë.
“Me datën 29.11.2024, rreth orës 06:50 përderisa ngasësi I një automjeti ishte duke lëvizuar në rrugën “Ekrem Rexha” në Prizren, për shkak se nuk e kishte përshtatur shpejtësinë e automjetit me kushtet e rrugës dhe kushtet e motit, me automjetin e tij godet një këmbësore (femër 53 vjeçare) e cila ishte duke kaluar rrugën jashtë vendkalimit për këmbësor. Si pasoj e aksidentit këmbësorja pëson lëndime dhe me automjetin e emergjencës është dërguar për në Spitalin Rajonal në Prizren. Sipas mjekut kujdestarë si pasoje aksidentit këmbësorja kishte pësuar lëndime të rënda dhe është dërguar në QKUK në Prishtinë për tretman mjekësor të mëtejmë. Lidhur me rastin është njoftuar Prokurori kujdestarë dhe me vendim të tij ngasësi i automjetit ndalet për 48 orë në qendrën e ndaljes në Polici”, ka thënë Bytyqi./teve1.info/
