Një këmbësore është lënduar pasi është goditur nga një vetur sonte në rrugën “Enver Maloku”, në Prishtinë.
Kështu ka bërë të ditur për teve1.info, zëdhënësja e policisë, Flora Ahmeti, e cila tha se e njëjtë është dërguar për trajtim mjekësor.
“Rreth orës 19:40 kemi pranuar informatën se në rrugën ‘Enver Maloku’ Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një automjet. Si pasojë e aksidentit lëndime trupore ka pësuar këmbësore dhe e njëjta është dërguar për tretman mjekësor”.
Me rastin po merret njësiti i trafikut./teve1.info
