Dita e enjte është gati për emocionet e dy garave tjera evropiane për klube. Bëhet fjalë për Ligën e Evropës dhe Ligën e Konferencës, të cilat zhvillojnë gjatë mbrëmjes me ndeshjet e para, ku nuk mungojnë klubet e mëdha që luftojnë për trofeun.
Ndeshja e parë dhe më interesante gjysmëfinale e Ligës së Evropës luhet padyshim në Spanjë, ku Atletic Bilbao pret Manchester United. Në ndeshjen tjetër, Tottenhami është nikoqir i klubit norvegjez, Bodo/Glimt, në një takim që pritet të jetë gjithashtu shumë interesant.
Në Ligën e Konferencës, skuadra e Chelseat është mysafir i suedezëve të Djurgardenit, ndërsa në takimin tjetër, Real Betisi pret Fiorentinën. Të gjitha ndeshjet, në të dy garat, është paraparë të fillojnë nga ora 21:00.
