Dragisha Milenkoviq u soll në gjykatore me pranga në duar.
Gjykimi i gardianit serb tw burgut tw Prishtinws dhe Lipjanit, qw akuzohet pwr krime lufte, wshtw drejt fundit.
Nw dhjetwra seancat e mbajtura, kanw dwshmuar viktimat qw pwrjetuan dhunw dhe keqtrajtim nga Milenkoviq.
Përgjatë shqyrtimit gjyqësor, dëshmuan si dëshmitarë edhe vet viktimat e dhunës dhe keqtrajtimeve të kryera nga Milenkoviq, si gardian i Burgut të Prishtinës dhe Lipjanit.
E për dy prej tyre, mbrojtja derisa i konsideroi si të rëndësishme, insistoi se prokuroria nuk ia ka dorëzuar dokumentet ku ata bëjnë identifikimin e të akuzuarit.
“Gjykatës i propozoj që nga prokuroria të kërkojë proces verbalet për identifikimin e dëshmitarëve Elmi Xhylani dhe Ramadan Nishorit.”, tha Dejan Vasiq – avokat i Milenkoviqit.
“Sa i përket Ramadan Nishorit ka proces verbal të identifikimit, shkresat u janë dorëzuar si juve ashtu edhe mbrojtjes. Sa i përket Elmi Xhylanit nuk ka proces verbal të identifikimit”, tha Atdhe Dema – prokuror
Në lidhje më këto proces verbale, Gjykata konstatoi se në fakt mbrojtja e Milenkoviqit, i ka në posedim.
“Gjykata konstaton se proces verbalet e identifikimit i është dorëzuar mbrojtjes”, u shpreh Kujtim Krasniqi, kryetar i Trupit Gjykues.
Milenkoviq akuzohet se nga 24 maj 1999 deri më 10 qershor 1999, në Burgun e Lipjanit dhe të Prishtinës, në cilësinë e gardianit, bashkë me persona të tjerë në mënyrë sistematike kishin keqtrajtuar të burgosurit shqiptarë, duke torturuar në mënyrë ç‘njerëzore, maltretuar dhe shkaktuar lëndime trupore.
Në këtë gjyq, mbrojtja kishte përdorur disa herë disa fotografi, të cilat me kërkesë të saj u pranuan si prova materiale.
“Aprovohet propozimi i mbrojtjes që në cilësinë e provave të administrohen fotografitë e dorëzuara nga mbrojtja”, tha Krasniqi.
Në seancën e radhës, palët do të thonë fjalët përfundimtare, ku mes tjerash do të deklarohet edhe vet i akuzuari, Dragisha Milenkoviq.
