Gjykimit maratonik të rastit të vrasjes së politikanit serb Oliver Ivanoviq, po i vjen fundi.
Të premten palët e përfshira në këtë proces kanë dhënë fjalët e tyre përfundimtare.
Të akuzuarit janë Nedelkjo Spasojeviq, Marko Roshiq, Silvana Arsoviq, Dragisha Markoviq, Zharko Jovanoviq, ndërkaq ndaj Rade Basara është tërhequr ndjekja penale në mungesë të provave.
“I njëjti fare nuk ka qenë në Mitrovicë, por që nga data 6 janar- 21 janar 2018 ka qenë në shtetin e Kroacisë, dhe për këtë fakt është vërtetuar nga dëshmitë e marra nga shteti i Kroacisë”, tha prokurori Burim Qerkini.
Prokurori Qerkini pretendoi se gjatë procesit gjyqësor është vërtetuar se të akuzuarit e tjerë kanë vepruar si grup kriminal i organizuar.
“Veprimet e ndërmarra për të fshehur identitetin e veturës dhe personave që gjendeshin brenda janë prova të qarta për metodën dhe profesionalizmin dhe planifikimin e veprës penale apo më mirë të themi realizimit të qëllimit të grupit kriminal e që ishte vrasja e oliverianvnoviq”, tha Qerkini.
Prokurori tha se të akuzuarit nuk kanë vepruar të vetëm në këtë rast.
“Ekzistojnë edhe persona të tjerë po aq fajtor saqë emrat e tyre mund ti keni parë ne disa prova ZhevkoBojiq, ZvonkoVeselinoviq dhe MilanRadoiçiq”, tha ai.
Kundër të gjitha këtyre pretendimeve të Prokurorisë, janë shprehur ekipet mbrojtëse të të akuzuarve.
“Ky nuk i ka vetullat e bashkuara edhe kurrë si ka pasë a qe këtu janë vetullat e bashkuara, ky është vetëm një tentim që edhe në këtë mënyrë tëngritët aktakuza sepse ekziston dyshimi i bazuar mirë”, tha avokati Nedelkjo Spasojeviq.
“Prokuroria nuk e ka dhënë ne drejtim të këtyre pretendimeve për ta bindur një vëzhgues objektiv se veprimet kanë ndodhe në mënyrën se si prokuroria e përshkruan”, tha avokati i Marko Roshiq, Mahmut Hoti.
Vendimi në këtë rast do të merret javën e ardhshme.
