Për vrasjen e Donjeta Pajazitaj në Strellc të Deçanit në vitin 2015, trupi gjykues do të dalë në vendin e ngjarjes kah fundi i muajit maj. Kjo do të jetë hera e parë që një trup gjykues që merret me këtë lëndë do ta sheh vendin e krimit nga afër.
E gjykimi i të akuzuarit Naser Pajazitaj, vazhdoi të enjten në Gjykatën Themelore në Ferizaj, me dëgjimin e një dëshmitari.
Por që dëshmia e këtij dëshmitari, me vendim të trupit gjykues u ndalua të bëhej publike.
Teksa shqyrtimi gjyqësor ka vazhduar me provat materiale.
Një video inçizim nga vendi i ngjarjes në ditën kritike, ka përplasur avokatin mbrojtës me prokuroren e rastit.
Propozimi i avokatit Kollçaku që të rishikohet kjo video u miratua nga trupi gjykues, duke e paraparë për në seancën e radhës.
Në seancën paraprake, Naser Pajazitaj mohoi vrasjen e Donjeta Pajazitaj, e cila ishte gjetur e vrarë në vitin 2015, në bjeshkët e Strellcit të Deçanit.
Për këtë vepër, Naser Pajazitaj mori dy herë dënim me burg të përjetshëm, vendime të cilët u rrëzuan njëherë nga Gjykata e Apelit dhe një herë nga Gjykata Supreme.
Raporti i gazetares Florijeta Dernjani.
