“Situata është me e komplikuar në rastet kur nga ajo bashkësi martesore lindin edhe fëmijët dhe në rastet e tilla vendimi gjyqësor bëhet më i vështirë. Vendimmarrja në raste të tilla, për shkak se ne duhet të kemi gjithmonë parasysh interesin më të mirë të fëmijës, dhe në rast se shqiptojmë dënime ashtu siç parashihen me ligj dhe ne jemi të detyruar të zbatojmë ligjin, kjo mund të ndikojë, nëse jo në mënyrë të drejtpërdrejt, atëherë në mënyrë tërthortë, te fëmija, i cili pastaj duhet të rritet pa praninë e njërit prind pa fajin e tij. Pra, kjo është një situate mjaft e vështirë”, ka thënë gjykatësi.
Ai ka shtuar se në këto raste mundohen të marrin vendime sa më të mira që të mos dëmtojnë personat në këto raste, por edhe të parandalojnë situata të tilla në të ardhmen.
Gjykatësi Isufi thotë se gjatë procedurave gjyqësore bëhen shumë përpjekje që të miturit të trajtohen me shumë kujdes dhe që procedurat gjyqësore mos t’i dëmtojnë sërish ata.
“Ne kemi pasur një numër të rasteve të tilla dhe i procedojmë. Natyrisht që procedurat ndaj të miturve kanë specifika të caktuara, që nënkupton që të gjitha procedurat janë konfidenciale, në mënyrë që të ruhet personaliteti i fëmijëve. Ne, në kuadër të mundësive dhe kushteve nga të cilat ne kushtëzohemi, mund të krijojmë një ambient sa më miqësor e jointimidues, në mënyrë që fëmija të ndihet mirë gjatë intervistave të cilat zhvillohen gjatë procedurave gjyqësore të ndihet i lirshëm që të shprehet dhe të deklaroj lidhur me rastin”, ka thënë ai.
Sipas tij, edhe procedurat janë të atilla që sigurojnë marrjen në pyetje të kufizuar deri në dy herë, në mënyrë që fëmijët sa më pak t’u ekspozohen procedurave gjyqësore dhe që ndikimi i procedurave te këta fëmijë të jetë sa më pak i dëmshëm dhe sa më pak me ndikim negativ në të ardhmen e tyre.
Për më shumë ndiqeni emisionin “De Jure” në Tëvë1 dhe “Betimi për Drejtësi” për hulumtimin mbi “Martesat mes të miturve”./Tëvë1/
