Gjykata Themelore në Prishtinë u ka caktuar masën e paraburgimit nga një muaj tre zyrtarëve të Komunës së Prishtinës, të arrestuar të martën.
D.G., A.G. dhe B.S., dyshohen se kanë kryer veprën penale në bashkëkryerje Keqpërdorim i pozitës apo autoritetit zyrtar dhe veprën penale në bashkëkryerje Marrja e ryshfetit.
“Gjyqtarja e procedurës paraprake pas dëgjimit të palëve në procedurë dhe pas analizimit të shkresave të lëndës gjeti se kërkesa e Prokurorisë Themelore në Prishtinë për caktimin e masës së paraburgimit është e bazuar, andaj aprovoj kërkesën e PTHP-së, për caktimin e masës së paraburgimit ndaj të pandehurve D.G., A.G. dhe B.S., ashtu që të njëjtëve iu është caktuar masa e paraburgimit në kohëzgjatje prej 1 (një) muaji, për secilin”, thuhet nga Gjykata Themelore në Prishtinë.
