Kryetari i Prishtinës, Përparim Rama, ka reaguar pas një vendimi të Gjykatës, duke e cilësuar atë si një tjetër betejë institucionale të fituar nga Kryeqyteti.
Rama ka akuzuar Lëvizjen Vetëvendosje për bllokim të iniciativave të Komunës së Prishtinës, duke thënë se edhe kësaj radhe është tentuar të pengohet puna e institucioneve lokale.
“Bllokues në pozitë. Bllokues në opozitë. Pothuajse për çdo iniciativë që kemi ndërmarrë për zhvillimin e Kryeqytetit, kemi pas bllokada nga Vetëvendosje! Ja edhe një tentim prej tyre!”, ka shkruar Rama.
Sipas tij, Gjykata edhe këtë herë ka vendosur në favor të Kryeqytetit.
“Gjykata edhe këtë herë i dha të drejtë Kryeqytetit! Edhe një betejë institucionale e fituar!”, ka deklaruar ai.
Rama ka ashpërsuar kritikat ndaj Vetëvendosjes, duke e akuzuar për linçim, shpifje dhe denigrim të njerëzve.
“Vetëvendosje, po e përsëris: ju jeni fatkeqësia e këtij vendi. Keni ardhur në pushtet tu linçu, fabriku e tu tentu me denigru njerëz. Njëjtë keni me përfundu si bllokues, që instrumentin e vetëm mbijetues e keni shpifjen dhe linçimin”, ka shkruar Rama./teve11.info/
