Me 22 korrik iu drejtua Gjykatës Kushtetuese.
E vetëm dy ditë para skadimit të masës së përkohshme, presidentja e vendit, doli para gazetarëve.
Vjosa Osmani njoftoi se ka tërhequr kërkesën lidhur me seancën konstituive të Kuvendit të Kosovës.
“Si gjyqtar raportues në këtë kërkesë është caktuar gjyqtari Radomir Llaban, për veprimtarinë e rrezikshme”, ka thënë Osmani.
Vetëm një ditë më pas, ka reaguar vet Gjykata Kushtetuese.
Nga kjo gjykatë, kanë thënë se ndarja e lëndëve për shqyrtim tek gjyqtarët raportues dhe kolegjet shqyrtuese bëhet në bazë të rregullave të qarta procedurale.
“Sa u përket çështjeve të ngritura përkitazi me Gjyqtarin e Gjykatës Kushtetuese Radomir Laban, siç jeni të informuar, i njëjti ka qenë i punësuar në Gjykatën Kushtetuese që nga viti 2011, në pozitën e Këshilltarit juridik, dhe që nga data 9 gusht 2018 ushtron funksionin e Gjyqtarit të Gjykatës Kushtetuese, pasi i është nënshtruar të gjitha procedurave kushtetuese e ligjore, për propozimin e tij nga Kuvendi i Republikës së Kosovës dhe dekretimit nga Presidenti i Republikës së Kosovës. Në anën tjetër, procedurat për shkarkimin e gjyqtarëve janë të përcaktuara qartë në Kushtetutë ”, ka reaguar Gjykata Kushtetuese.
Nga kjo gjykatë nuk i janë përgjigjur pyetjeve, nëse kërkesa e Osmanit do të vazhdojë të shqyrtohet, pavarësisht tërheqjes.
E njohësit e punës të kësaj gjykate, thonë se sipas rregullores, një gjë e tillë mund të ndodh.
Vullnet Bugaqku nga KDI, thotë se veprimi i Osmanit paraqet ndërhyrje flagrante në pavarësinë e Gjykatës Kushtetuese.
Por, çfarë ndodh nëse Laban shkarkohet apo jep dorëheqje tani?
Të mërkurën ka reaguar edhe e para e drejtësisë në vend, Albulena Haxhiu.
Kjo e fundit ka thënë se në vitin 2018, kur kërkuan shkarkimin e Llaban, u akuzuan se po ndërhyjnë në pavarësinë e Gjykatës Kushtetuese.
